ചിലപ്പോൾ തോന്നും,
മേഘങ്ങളെ തൊടുന്ന കുന്നിൻ മുകളിൽ കയറി
ഉറക്കെ കൂവി വിളിക്കാൻ .
അപ്പോൾ എന്റെ കൂവലുകൾ
ആരും കേൾക്കാതെ,
എന്നെ തന്നെ തേടി തിരിച്ചു വരും.
അനുസരണയുള്ള നായക്കുട്ടിയെ പോലെ.
ചിലപ്പോൾ തോന്നും,
ആരുമെത്താത്ത ഒരു ഗുഹയ്ക്കുള്ളിൽ കയറി
ഒറ്റയ്ക്കിരിക്കാൻ.
അതിനകത്ത് പാതി വെട്ടമുണ്ടാകണം.
ആ ഗുഹയ്ക്കുള്ളിൽ
എനിക്കെന്തൊക്കെയോ
ഇനിയും കോറിയിടാനുണ്ടെന്ന്
ആരോ പറയും പോലെ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ