നമ്മൾ നടന്നകലുന്നതോടെ ഈ വഴിയും അനാഥമാകും. നീയും ഞാനും പ്രണയതാളം ചവിട്ടിയ കൽപ്പടികളിൽ പച്ചപ്പ് പടരും. ഒടുവിൽ ഈ വഴിയും പച്ച ഞരമ്പുകൾ കീഴടക്കും. നമ്മെ പോലെ നടക്കാൻ കൊതിക്കുന്ന, പുതിയ മഴക്കാടുകൾ തേടിയിറങ്ങുന്ന മറ്റൊരു പ്രണയിതാക്കൾ വരുംവരെ നമ്മൾ മാത്രം നടന്ന ഈ വഴിയെ, നമുക്കൊരു മരപ്പൊത്തിലൊളിപ്പിച്ചു വയ്ക്കാം. ഒടുവിൽ ഈ ലോകത്ത് പ്രേമമില്ലാതാകുകയും മഴക്കാടുകൾ മരുഭൂമിയാകുകയും ചെയ്യുന്ന കെട്ട കാലത്ത് ഈ വഴിയും ഒരു മണൽക്കാറ്റിലില്ലാതാവട്ടെ .
