ശേഷം...

                          ഈ ഇടുങ്ങിയ വാടക മുറിയിലെ കരി പിടിച്ച അടുക്കളയിലിട്ട് ഞാനിന്നവളെ ദഹിപ്പിച്ചു .  ശേഷക്രിയകൾക്ക് കാത്തു നിൽക്കാതെ അവൾ ആ അഗ്നിഗോളത്തിലേക്ക് എടുത്തുചാടി .   ഓർമ്മകളുടെ ഓരോ താളുകൾ‌ക്കും തീ പിടിക്കുകയാണ് .  കത്തിയമരുന്ന താളുകളിൽ ചിലതിന് ചോരത്തിളപ്പിന്റെ ചുവപ്പു നിറം .  ചിലതിന് രാത്രിയുടെ വിയർപ്പു മണമുള്ള നീല നിറം .  തീ പിടിച്ച പച്ചമാംസത്തിന്റെ മണം പേറി മുറി മുഴുവൻ പുക നിറയുകയാണ് .      
                          എരിഞ്ഞമർന്നിട്ടും ആ പുക മുറിവിട്ട് പോകുന്നില്ല .  ഈ ശവപുകയിൽ ഞാൻ ചിലപ്പോൾ വെന്തു പോയേക്കാം .

                                                  ഞരമ്പുകൾ തളരുന്നതു പോലെ ...

                                                  ബോധം മറയുന്നതു പോലെ ...

                                                  പതുക്കെ  നീണ്ട ഉറക്കത്തിലേക്ക് ...

                                                  സുഖ നിദ്രയിലേക്ക്...

(12-08-2014 

കോഴിക്കോട്)